Yanğından İcbari Sığorta

Yanğından icbari sığortanın məqsədi, sığortalananların və əhalinin mülkiyyət maraqlarının müdafiəsidir ki, bu da yanğın nəticəsində onların əmlakına və sağlamlığına dəyən zərərin vaxtlı-vaxtında ödənişlə kompensasiya olunması və onların sosial müdafiəsi üçün əlavə təminatın təqdim olunmasıdır. Təmin edilməsi məcburi sayılan bu sığorta növündə yanğın, eləcədə ildırım düşməsi yaxud partlayış və ya bunlarla əlaqədar əmələ gələn tüstü, buxar yaxud istilik nəticəsində sığorta olunanın əmlakına, habelə üçüncü şəxslərin əmlakına və sağlamlığına zərərin vurulması sığorta hadisəsi hesab edilir.

Bu sığorta növü üzrə sığorta haqqının müəyyənləşdirilməsində sığorta obyektinin dəyəri əsas alınmaqdadır. Belə ki, əmlakın dəyəri 200 000 AZN olduqda məbləğin 0.3 %-i, 200 001 AZN-lə 1 000 000 AZN aralığında məbləğin 0.25%-i, 1 000 000 AZN-dən artıq olduq da isə məbləğin 0.2%-i sığorta haqqı olaraq ödənilməlidir.